Abode Tidings Urubuga Nyarwanda
Abanyamulenge batuye mu Bwongereza, i Burayi no ku mugabane w’Amerika bibutse ababo biciwe mu Nkambi ya Gatumba mu Burundi.
Harizindi Genocide zagiye zikorwa ariko zitemewe, hari iyakozwe mu Burundi mu mwaka wa 1972 ndetse niyi yakorerwe Abanyamulenge mu Gatumba
Abanyamulenge batuye mu Bwongereza, i Burayi no ku mugabane w’Amerika bibutse ababo biciwe mu Nkambi ya Gatumba mu Burundi.
Harizindi Genocide zagiye zikorwa ariko zitemewe, hari iyakozwe mu Burundi mu mwaka wa 1972 ndetse niyi yakorerwe Abanyamulenge mu Gatumba
Floriane Irangabiye kandi yashimiye umukuru w’igihugu kuba yamugiriye ikigongwe.
Ati: “Ndashimiye bimwe vy’imvamutima umukuru w’igihugu c’Uburundi Nyenicubahiro Evariste Ndayishimiye yashize mu ngiro iyi ngingo ndamwipfuriza iteka n’itekane.”
Iyo ngingo-tegeko y’ikigongwe c’umukuru w’igihugu (mesure de grace presidentielle) ya perezida Evariste Ndayishimiye ivuga ko Madame Floriane Irangabiye ”akuweko ibihano vyose” kandi ko ”ingingo zose z’imbere ziteye kubiri n’iryo tegeko zifuswe”.
Imyaka yari hafi gukwira ibiri uwo mumenyeshamakuru apfunzwe kuva afashwe itariki 30 ukwezi kwa Myandagaro (8) mu 2022.
Imiryango y’abamenyeshamakuru n’iyiharanira uburenzira bwa zina muntu yari yagumye isemerera ivuga ko uwo mumenyeshamakuru yazize umwuga akora.
Uwo mugore w’imyaka 36 yari asanzwe akorera Igicaniro, iradiyo y’abarundi baba hanze icisha kuri internet ibiganiro vy’ivyiyumviro n’umwihwezo ku buzima bw’igihugu.
Ivyo biganiro ni na vyo ishirahamwe mpuzamakungu ryo gukingira abamenyeshamakuru Committee for the Protection of Journalists, CPJ, ribona ko yari yahowe.
Floriane Irangabiye ari kumwe n’umuvukanyi wiwe Irakiza Chryss Deborah imbere y’ibohero rya Bubanza
Yafashwe aje mu Burundi kuramukanya avuye mu Rwanda iyo yari asanzwe aba.
Yagirijwe kuvogera igihugu, ico caha gica kimwagira muri Nzero mu 2023, sentare ica imucira igihano co gupfungwa imyaka 10 n’ihadabu ry’umuriyoni w’amafaranga y’Uburundi.
Muri urwo rubanza, abashikirizamanza bashingiye ku kiganiro ca radiyo Igicaniro co muri Myandagaro mu 2022 aho Irangabiye n’abatumire banegura reta y’Uburundi bakagiriza abategetsi bayo kuba abasuma no guhonyanga uburenganzira bw’abanyagihugu babo,” nk’uko iryo shirahamwe rivuga ko ryabisomye mu nyandiko za sentare.
Iryo shirahamwe rivuga kandi ko ryabonye muri izo nyandiko ko abashikirizamanza bavuze ko basanze ico kiganiro muri terefone ya Irangabiye amaze gufatwa baca bamwagiriza guhamagarira abanyagihugu kugarariza no kurondera gutembagaza reta.
Bimwe mu vyemezo abashikirizamanza batanze ni uko Irangabiye yaguma agira ingendo hagati Urwanda iyo yaba no mu Burundi ahaba umuryango wiwe hamwe n’amafoto aho agaragara ari kumwe n’umukuru w’Urwanda Paul Kagame n’uwahoze atwara Uburundi, umuhisi Pierre Buyoya.
Yagirijwe kandi kwitaba inama zo guha inyigisho urwaruka ruba mu mahanga kugira rutembagaze reta.
Ivyo vyose Floriane Irangibiye n’abamwunganira mu mategeko yari yaburanye abihakana avuga ko yakoresheje gusa uburenganzira bwiwe bwo gushikiriza ico yiyumvira, ko na zo inama zivugwa ata zo yigeze ajamwo.
Amaze gucirirwa igihano c’imyaka 10 n’ihadabu ry’umuriyoni w’amafaranga y’Uburundi ku wa 02 Nzero mu 2023, Floriane Irangabiye yarunguruje gushika muri sentare gasamburamanza ariko na yo ku wa 13 Ruhuhuma(2) mu 2024 ica iremeza ico gihano.
Ingingo-tegeko y’umukuru w’igihugu yarekuye Floriane Irangabiye ivuga ko uretse ububasha umukuru w’igihugu ahabwa n’amategeko, yihweje kandi ivyo ”yasabwe n’umupfungwa yagiriwe n’icaha”.
Ubu bushikiranganji buri mu bwo umukuru w’igihugu Evariste Ndayishimiye yagendeye mu mpera z’indwi iheze igihe yariko asuzuma ingene ibijanye n’isuku vyifashe mu bisata vya reta.
Ndayishimiye yaraneguye ingene ibintu vyari vyifashe maze aca ategeka ko kuri uyu wa mbere ata mukozi n’umwe wa reta arekuriwe kwinjira mu biro atabanje gusukura aho akorera.
Yagize ati : “Ndabakuye mu biro bose. Iyi ndwi itangura ni indwi y’isuku. Uwo nzosanga mu biro ni je nzomwikurirayo.
“Nibabanze bakubure. Nitwaheza kugira isuku duheze duce tuja ku bindi bikorwa”.
Umukuru w’igihugu abona ko ingwara ya Cholera ikunda gutera mu gihugu iterwa n’isuku rike rirangwa aho abantu bakorera.
Inyuma y’aka kagohe bavuniwe, abo mu bushikiranganji no mu bisata bitandukanye vya reta baciye bavyuka bitunganya.
Umunyamabanga ntayegayezwa mu bushikiranganji bw’amagara y’abantu Muganga Olivier Nijimbere yabwiye BBC Gahuza ko abakora mu bisata vyose vy’ubwo bushikiranganji bazindutse basukura aho bakorera.
Yagize ati: “ Twazindutse twegeranya imicafu kandi twakoranye n’ikigo ca reta kijejwe ivyo inyubako OBUHA. Imicafu yose twegeranije baturungikiye ikamyo yaciye ija iraza kubiseha kugira ngo ibijane mu bibanza vyabigenewe.
“ Ingingo nyamukuru twaciye dufata n’uko tugiye kuja turabikora kenshi gashoboka tutibagiye akazi ka misi yose.
“ Murabona nk’ibi vy’impapuro ntitwoheza ngo dupfe uko tubituriye kuko twoba turiko turonona ikirere. Twoba turiko turonona amagara y’abantu kandi ari yo tujejwe. Tugiye gushiraho ivyo bita ama ‘incinérateurs’ kugira tuje turabiturira dukurikije amategeko”.
No mu bindi bisata nta mirimo yaranguwe. Akarorero ni mu bushikiranganji bw’ikigega ca reta aho umushikiranganji Audace Niyonzima yabonetse afise isuka mu bandi bakozi ariko araharura yongera asibura imiserege.
No mu nama nshingamateka kwari ukwo nyene. Umukuru w’inama nshingamateka Gelaze Ndabirabe nawe nyene yagaragaye ari kumwe n’abakozi b’urwo rwego, afise isuka ariko araharura ivyatsi.
