Isubiramo ry’ibyizwe 😀 

2. Fata ayo mafaranga uge guhaha umunyu n'amavuta.
3. Gashema yateye ibiti bitandatu.
4. Mbabazi ahinga inyanya n'amatunda.

C. Soma udukuru dukurikira

1. Abana ku ivomero
Umunsi umwe Ngoga yagiye kuvoma 😍 . Ageze ku mugezi asanga
Gashumba na Mbabazi basunikana buri wese ashaka kuvoma mbere
y’undi. Gashumba abwira Mbabazi ati: “Ni nge ngomba kuvoma mbere.”
Mbabazi na we aramusubiza ati: “Nange ndavoma mbere.” Ngoga
yitegereje abo bana arabegera arababaza ati: “Ngaho nimuvugishe
ukuri. Ni nde wageze hano mbere?” Gashumba aravuga ati: “Ni
Mbabazi ariko ni nge uvoma mbere 😆 .” Ngoga arabaganiriza abasaba ko
bagomba kuvoma bakurikije uko baje 🤔 . Nuko Mbabazi ahera ko aravoma,
Gashumba akurikiraho, hanyuma Ngoga na we aravoma 😉 . Maze bose
bataha banezerewe 😆 .

2. Mbayiha akunda amatungo

Mbayiha yoroye udukwavu dutandatu. Buri gitondo, yahirira udukwavu.
Iyo arangije, arakaraba agakurikizaho kwisiga, agafata ibikoresho
akoresha ku ishuri maze akerekeza ku ishuri. Mu kwezi kwa Nyakanga,
yagurishije udukwavu tubiri, akuramo amafaranga maze aguramo
igitabo kinini kirimo amashusho. Yaguzemo kandi umupira wo kwifubika
mu mbeho. 😐
Umwitozo wa 3: Kwandika
A. Kora interuro zitandukanye wifashishije aya magambo
hanyuma uzandike mu ikayi yawe.
umukingo
ikinyugunyugu
amashaza
udukweto
inyanya
imbaho