Sentare muri Uganda yaciriye uwahoze ari umutegetsi w'ingabo mu mugwi witwaje ibigwanisho Lord's Resistance Army (LRA) gupfungwa imyaka 40 inyuma y'urubanza rw'ivyaha vyo mu ntambara.

Thomas Kwoyelo yagiriwe n'ivyaha 44, birimwo kwica, gusambanya ku nguvu, kunyuruza abantu no gusahura.

Yarahakanye ivyaha vyose yagirijwe.

Kwoyelo abaye umutegetsi wa mbere w'ingabo w'uwo mugwi wari utinyitse cane aciriwe urubanza na sentare yo muri Uganda.

LRA, umugwi washinzwe mu myaka ya 1980, wagirizwa gukora amahano muri Uganda no mu bihugu bibanyi. 😍 😐 😌 😔