Abo baturage ngo bahunze ibitero bavuga ko byagabwe n'imitwe y'aba Mayi Mayi hamwe na Red-Tabara, inyeshyamba zigizwe n'Abarundi.

Ibyo bitero ngo byagabwe mu mpera z'icyumweru gishize, bituma abo bantu bahungira mu duce twa Remera, Bwegera, Rubarika no Kumutarure.

Bavuga ko bamwe bishwe, abandi barasahurwa ndetse n'amazu yabo aratwikwa.

Bamwe muri bo bahungiye muri territoire ya Plaine de la Rusizi iyoborwa n'umwami w'Abarundi.

Prudent Nsengiyumva yavuganye n'uwo mwami w'Abarundi, Ndabagoye Kinyoni Richard, abanza kumubwira uko bimeze

Abaturage babarirwa mu bihumbi bo mu bwoko bw'Abanyamulenge bahunga ibitero by'abarwanyi ba Mai Mai bakomeje kugera mu mujyi wa Baraka uri mu burasirazuba bwa Repubulika ya demokarasi ya Kongo.

Batangiye kugera muri uyu mujyi uri mu birometero 90 uvuye Uvira kuva ku wa gatatu w'icyumweru gishize ubwo ibitero bya Mai Mai biyibasiraga imihana yabo itandukanye ahitwa mu Bibokoboko.